NRK musihkkadoaimmahusa neahttasiiddus gávnnat buot daid stuorámus festiválaid mat dán geasi lágiduvvojit norggas. Árdna-doaimmahus lea gis duhtan dušše dás namuhit moadde stuorra festivála mat leat Sámis.
Lujávrri geasseriemut
Lágiduvvo Lujávrris, Ruošša beale Sámis, 17.06.2007. Riemuin eai leat dovddus násttit, muhto riemut leat almmatge stuorra deaivvadanbáikin guovlluolbmuide, gussiide muđuid Sámis dahje oarjemáilmmis.
Countryfestivalen
Lágiduvvo Guovdageainnus 22. - 23.06.2007. Stuorámus geasuheaddji lea Jenny Jensen.
Skiippagurra festivála
Lágiduvvo Skiippaguras, Deanus, 29.06. - 01.07.2007. Doppe čuojahit ovdamearkka dihtii Stalingrad Cowgirls, Hedningarna ja máŋga dovddus sámi, Ruota ja Norgga joavkku. Dasa lassin leat Norgga buoremus FMX Motocross vuoddjit riemuin.
Kárášjoga geasseriemut
Lágiduvvo Kárášjogas 06 .- 07.07.2007. Báikkálaš ártisttat nugo Intrigue, rOlfFa, Johan Anders Bær ja Per Tor Turi guoimmuhit. Seammá vahkkoloahpa leat Sámi Cup spábbačiekčamat Kárášjogas.
Riddu Riđđu
Lágiduvvo Olmmáivákkis, Gáivuonas 10. - 15.07.2007. Doppe leat fálaldagat olles bearrašii, sihke mánáide, nuoraide ja rávisolbmuide. Namuhat dušše moadde joavkku: Wai - Aotearoa joavku mii čuojaha maori elektronika. Blackfire - Navajo joavku mii geavaha rockmusihka vearjun giččus doarjut iežas álbmoga vuoigatvuođaid. Vajas - miellagiddevaš sámi joavku.
Midnattsrocken
Lágiduvvo Leavnnjas, Porsáŋggus, 12. - 14.07.2007. Dát riemut geasuha daid olbmuid geat eanaš liikojit rockmusikkii. Mii namahat moadde joavkku mat du dohko soitet geasuhit: Dr. Hook, Fish, My Midnights Creep ja Intrigue.
Buktafestivalen
Lágiduvvo Tromssa gávpogis 21. - 22.07.2007. Dáid riemuin leat máŋga dovddus ja stuorra rockjoavkku mielde guoimmuheamen, earret eará namuhat Ash, The Waterboys ja Turboneger.
Márkomeannu
Lágiduvvo Skániin, Mátta-Tromssas, 24. – 29.07.2007. Riemuin leat dovddus sámi ártisttat nugo Mari Boine, Adjágas, Amoc ja Tiina Sanila.
Varangerfestivalen
Lágiduvvo Čáhcesullos 08. – 12.08.2007. Doppe leat dovddus ártisttat nugo Jan Garbarek, Nils Petter Molvær, Sivert Høyem & The Volunteers ja Mari Boine.
Døgnvillfestivalen
Lágiduvvo Tromssa gávpogis 24. - 25.08.2007. Jus áiggošit dušše ovtta festivála čuovvut dán geasi, de soaitá leat dá dat rivttes. Dáppe oainnat leat duođaid stuorra ártisttat mielde. Namuhat dušše moadde: A-ha, Lene Marlin, Mira Craig, Chris Cornell ja Marit Larsen.
Dáppe gávnnat buot
