Ja nu mo dábálaččat berrejit fápmoolbmot buot agiin ja báikkiin doarggistišgoahtit go spižát gal eai váilo, čállá Beaivváš Sámi Teáhter preassadieđáhusasteaset.
Eará sániiguin, jus leat čábbát láhtten ja čohkkán ruovttus olles mannan jagi, de ii leat dus mihkkege maid ballat.
Buohkat goittot berrejit váldit lupmaliinniid mielde, go dáppe šaddá nu ollu reaškkas ja gávnnas, ahte juohkehaš sáhttá dušše gatnjaliid sihkodit, lohpida Beaivváš Sámi Teáhter.
Dán jagáš giđđadulvvi oasálastit leat:
Nils Henrik Buljo, Mázelaš, servá ge iežas gollejienain ja gollecukcasiin.
Ina Margrethe Hætta, Kautorevyena násti – gii maid lea liikostan Stand-up`ii!.
Svein Birger Olsen, Sieiva unjárlaš ja searváge álbmás guolevuoj` leaikkastallamiin.
Sara Margrethe Oskal, Searvá stánžeságaidisguin, muhto ii hálit gal “Biiggá” dása seaguhuvvot go son suoládivčče olles showa!
ja Egil Keskitalo, Bára piano-čuojaheaddji ja turbo-bartendár.
Bagadallin lea Nils Utsi – juovlavuonlaš (fra Julefjorden) ja veterána cuvccas business`as.
Teknihkkárin leaba Bernt Morten Bongo ja Svein Egil Oskal.