Earenoamáš bussemátki

Otne álgá earenoamáš bussemátki mii manná Girkonjárggas - Åankerii lulli-Sámis. Beannot jándoris galget mátkosteadjiit gullat ja oahppat luđiid guovlluin maid meaddá ain vudjet.

Publisert 23.06.2010 10:17.

Skriv ut
Del/tips

Lea Norgga Sámiid riikkasearvvi nuoraidlávdegoddi mii lea dán earenoamáš bussemátki duogábealde ja busse vuolgá Girkonjárggas otne 11 áigge. Dat vuodjá lulášguvlui ja Guovdageainnus bisána muhtin diibmui otne eahkes, go doppe lágiduvvo juoigankonsearta.
Maŋŋel dolle busse viidáseappot ja manná ge lulášguvlui Norgga čađa ovdal lulimusas Nordlánddas bonjasta Åankere dahje Ankaredei lulli-Sámis ruoŧabealde. Doppe leat lullisámi mihcamardoalut dán vahkkoloahpa, maid dát áŋgiris juoigit besset vásihit ovdal go sotnabeaivvi fas dollejit davásguvlui.

GULDAL: Berit Kristine Guvsam

Berit Kristine Guvsám

Foto: Privat

Berit Kristine Guvsám muitala ge ahte sis leat juoigit Deanus, Guovdageainnus, Divttasvuonas, Fuoskkus ja lullisámi guovllus ja sii juoiget ge luđiid iežaset guovllus.
Dát bussemátki galggai lágiduvvui vuosttaš geardde diibmá, muhto dalle eai ollen oažžut ruhtadeami dasa, muhto dál leat birrasii goaktelogis juo dieđihan mielde.

Guvsám lohká ain sajiid ja oažžu ge čuoččahit luoddagurrii maiddái doppe gos diehtá dán busse vuodjit.

Siste nytt fra NRK Sámi Radio