Kva såg dei med sine oppsperra augo
Kva kan dei ha observert inst i augnekroken
Kva såg dei galne utan å sjå
Kva står igjen etter dei i det ufattelege
landskapet i landskapet
Sitatet er frå diktet ”Eg vender tilbake til landskapet”. Kirsti Mathilde Thorheim skreiv blant anna dette i sin omtale av samlinga i Dag og tid:
”Utanfor institusjonen er ei sjeldan kjenslevar diktsamling som opnar rom som gjer oss klokare, rausare og meir klårsynte … Poetisk og velskrive ... Meiningsberande og gripande lesnad … Dette er eit poetisk prosjekt det står stor respekt av.”
Og slik blir forfattaren og boka presentert av forlaget, Oktober:
LARS AMUND VAAGE (f. 1952) skriv om galskap i den andre diktsamlinga si. Korleis er det å leva med det uforklarlege? Han skriv også om blafringa i fallskjermar, motorbrøl og hunden med tre augo. Lars Amund Vaage debuterte i 1979 og har skrive romanar, noveller, skodespel, dikt og barnebøker. Han har mellom anna mottatt Kritikarprisen, Aschehougprisen, Gyldendalprisen og P2-lyttaranes romanpris, og vore nominert til Nordisk Råds litteraturpris.
Poesitid i NRK P2 med Harald Overå som programleiar
- fredag 12. januar kl. 13.03 og
- søndag 14. januar kl. 07.03