NRK blei eit statleg eigd aksjeselskap i 1996. Staten eig hundre prosent av alle aksjane og det er kulturdepartementet ved kulturministeren som utgjer generalforsamlinga.

Blant oppgåvene er å velje medlemmar til styret i NRK .

Ordinær generalforsamling blir heldt i juni kvart år. På generalforsamlinga blir verksemda siste år gått gjennom og aktuelle saker tatt opp.

Som statleg aksjeselskap er det Stortinget og departementet som set rammene for NRK si verksemd gjennom Lov om kringkasting, ein målplakat - NRK-plakaten, vedtekter for NRK AS og den årlege generalforsamlinga.