– Eg har tenkt på det i mange år. Eg har jo støtta TV-aksjonen før når bøsseberarane har kome på døra, seier Marte Lægreid.
Det var vassaka som gjorde at ho i år ville gjera ein ekstra innsats som bøsseberar. Med seg fekk ho venninna Camilla Hay. Pengane som vert samla inn går i år til Kirkens Nødhjelp og deira vassprosjekt. Dei arbeider med å sikre ein million menneske i åtte land varig tilgang til reint vatn.
- LES OGSÅ: |
- SJÅ TV-AKSJONEN DIREKTE
Regnfull aksjon
Då passa det kanskje fint at haustvêret for alvor herjar i Bergen i ettermiddag. Frå himmelen høljar det ned.
– Det er jo heilt flott. Det er på ein måte den saka vi går for; vatn, smiler venninnene.
Innbyggjarane i Bergen kan i kveld også få næringsminister Monica Mæland på besøk. Dei siste 15 åra har ho også bidratt til TV-aksjonen som bøsseberar.
– Eg syns det er ein god moglegheit til dugnad for andre. Og så syns eg det er bra at barna blir lært opp til å tenke på andre og at vi må hjelpe til når vi kan, seier Mæland før ho går ut i haustregnet.
- LES OGSÅ:
Bli programleiar
Her i NRK Hordaland auksjonerer vi bort programleiarjobben for ein dag. Då kan du støtte TV-aksjonen og samstundes få vere med som gjesteprogramleiar i ei morgonsending på radio hjå oss.