Toppe vert nestleiar

Kjersti Toppe frå Sp vert nestleiar i Helse- og omsorgskomiteen på Stortinget.

Kjersti Toppe
Foto: Kjell Jøran Hansen / NRK

Kjersti Toppe (41) frå Senterpartiet vert nestleiar i Helse- og omsorgskomiteen på Stortinget.

Toppe er utdanna lege, og har mellom anna jobba ved legevakta i Bergen.

Les meir om Toppe sine kampsaker


I valkampen la ho vekt på at ho ville jobbe for å behalde lokalsjukehusa i distrikta.

- Samhandlingsreforma kjem i løpet av denne perioden, og det vert ei utfordring som eg kjem til å jobba mykje med. Helsepolitikk er eit breitt felt å arbeide med, men eg er særleg opptatt av rus og psykiatri, som også er veldig viktige utfordingar i Bergen og i Hordaland, seier Toppe.

Toppe har tidlegare vore Sp sin gruppeleiar i bystyret i Bergen, og har hatt plass på fylkestinget i Hordaland.

Laila Dåvøy (KrF) frå Askøy har vore med i komiteen før, og kjem truleg til å fortsette. Toppe trur dette vil vera ei styrke for Hordaland.

- Vi kjem til å ta opp saker som er viktige i heimfylket vårt. Det er jo det som er jobben vår når vi er valt inn herifrå, seier Toppe,

Siste video:

Se åpningen av Festspillene i Bergen. Blant de som opptrådde under åpningsfesten var Jan Eggum og Herborg Kråkevik.
Brann-trener Rikard Norling møtte pressen på Flesland i dag, etter 4-1 tapet mot Levanger tirsdag kveld.
Han hadde sin første nattevakt på Bergen YMCA Hostel. Det ble en dramatisk natt.