I går sende Meteorologisk institutt ut OBS-varsel for Vestlandet. 60–90 millimeter nedbør var venta å bøtte ned over Hordaland og Sogn og Fjordane i går og utover fredagen.
I dag har regnet skapa problem for folk i Fyllingsdalen i Bergen. På grunn av mykje nedbør i natt vart kjellaren på Løvås oppveksttun i Fyllingsdalen oversumt. Det slo ut BKK sin trafokiosken, og straumen gjekk.
– Dei som kom fyrst på jobb i dag blei møtt av eit mørkt hus. Straumen er gått hos oss og områda rundt. Brannvesenet er på plass for å pumpe ut vatn, og BKK er her for å få straumen tilbake så raskt som mogleg, seier rektor Anne Kari Sælensminde ved Løvås oppveksttun til NRK.
LES OGSÅ:
Stenger skulen i dag
Barna er sendt heim, og skulen vert stengt ut dagen.
– Me har vore nøydd til å stenge i dag, og sende heim dei som har møtt opp. Dei som enda ikkje hadde rukke å komme har fått beskjed, seier Sølensminde.
Områda som har vore råka av straumbrotet i Fyllingsdalen er deler av Nebbestølen, Løvås skole, barnehagen ved Løvås skole og Folke Bernadottesvei 5.
Også på Osterøy har Grevsgård, Børtveit, Dale og Øvre Raknes vore utan straum.
NRK oppdaterer saka