Ordet "monstermaster" har vorte allemannseige dei siste vekene. Ordet, som er skapt av aksjonistane mot kraftlinjer i Hardanger, har tidlegare fått ein god porsjon av æra for det suksessrike aksjonsarbeidet som mellom anna har ført til at regjeringa ville ha ei ny vurdering av sjøkabel.
LES ÒG:
Men no kan ein få kraftlinjer med sjel, eller i alle fall med eit visst menneskeleg preg, skriv .
Det islandske svaret på Statnett, Landsnet, utlyste i 2008 ein konkurranse om å designe kraftmaster som skulle passe betre inn i landskapet enn vanlege master.
Menneskemaster
Og mellom alle forslaga som kom inn, var det eitt forslag som sto ut som noko meir kreativt. Frå det amerikanske arkitektbyrået Choi+Shine Architects fekk dei eit forslag som nesten ville gi kraftmastene sjel.
Dei foreslo å gå vekk frå dei klassiske t-mastene, og byggje mastene nærast som statuer i landskapet.
– Desse ikoniske tårnfigurane vil verte monumenter i landskapet. Å sjå tårnfigurane vil verte ei minneverdig oppleving som løfter tårna til noko mer enn berre eit naudsynt, funksjonelt design, skriv Choi+Shine i .
Stålkjempar i naturen.
Foto: Choi+ShineKUNNE DETTE VORE NOKO FOR HARDANGER? KØYR DEBATT NEDST I SAKA!
Forskjellige profilar
Kvar mast, som skal vera enkle og billege å produsere, skal kunne designast individuelt.
Mastene kan byggjast i serie med ymse profilar.
Foto: Choi+Shine– Der kraftlinjene klatrer over ein bakketopp, endrer tårnfigurane haldning og imiterer ein klatrande person. Over lange strekk løfter tårnfigurane seg for å auke høgden, og kryp saman for auka styrke eller slit under vekta av kablane, skriv Choi+Shine.
Det høyrer med til historia at Choi+Shine ikkje vann den islandske konkurransen, men fekk hederleg omtale av juryen.