Statens vegvesen vil no tilby ei eiga teneste der ein kan oppdatere seg på nett om korleis trafikkavviklinga er på utvalde strekningar i Oslo, Bergen, Trondheim og Stavanger.
No blir altså tala på kor lenge ein må forvente å stå i kø publisert på nettsidene til Statens vegvesen, fortel Jakob Vaage, Fagansvarleg i Statens Vegvesen.
Oppdatert kvart femte minutt
Informasjonen om kor bilistane kan forvente størst kø vert henta inn ved hjelp av antenner langs vegane. Desse registrerer passeringar av køyretøy med AutoPASS-brikker.
– Men sjølv om dette blir registrert vil likevel ikkje enkeltkøyretøy identifiserast fordi registreringane er basert på kryptert data, fortel Vaage.
Informasjonen på nettsida kjem til å bli oppdatert kvar femte minutt ifølgje Statens vegvesen. Nettsida vil difor vere ein effektiv måte for bilistane å planlegge reisestrekninga si.
SJÅ KOR LENGE DU MÅ STÅ I KØ HER
Grønn strekning: Om streknina sei at det er normal trafikkavvikling på strekninga.
Gul strekning: Bilistane må rekne med noko forseinking. Det vil vere meir enn 15 prosent lenger reisetid enn det som er normalt.
Raud strekning: Her er det stor forseinking. Ein må ein rekna med meir enn 50 prosent lenger reisetid enn det som er normalt.