Ranar med sprøyte stakk av

Ein mann trua til seg pengar med ei sprøyte, før han stakk av frå 7-eleven i Bergen sentrum.

Ran på 7-eleven i Christies gate

7-eleven i Christies vart rana igjen tysdag morgon.

Foto: Arne Ellingsen

Klokka 09.10 fekk politiet melding om eit ran av 7-eleven i Christies gate i Bergen sentrum.

Trua med sprøyte

Mannen fekk med seg kassen, men kasta den frå seg på gata før han forsvann.

– Ein mann trua med ei sprøyte, og tok med seg kassen før han la på sprang frå staden, han fekk med seg eit ukjent beløp pengar, seier operasjonsleiar i Hordaland politidistrikt, Frode Kolltveit, til NRK.

Politiet er på jakt etter mannen i området rundt Nygårdsparken.

Kasta kassen

Ei kvinneleg tilsett sprang etter mannen, og skal ha fått frå han kassen.

– Han fekk ikkje med seg noko, seier ho.

Den same 7-eleven-butikken vart rana for ein dryg månad sidan. Den 29. mars trua ein mann til seg eit mindre pengebeløp med kniv eller sprøyte.

Siste video:

Hun ville slippe en langsom og smertelig død. Derfor valgte Siv Tove Pedersen (41) å reise til Sveits for å avslutte livet sitt. Før det hadde hun kjempet mot en uhelbredelig lungesykdom i sju år. I denne dokumentaren forteller vi Siv Tove Pedersens historie.
Slik ser det ut ved snøskredet som gjekk søndag kveld på E39 i Romarheimsdalen.
Bilder fra KV Njord