Det var tysdag veka ei 15 år gamal jente skal ha blitt forsøkt bortført av ein mann i ein kvit varebil på Straume i Fjell kommune.
Dagen etter blei jenta kontakta av det som truleg er same mann på nytt.
- LES OGSÅ:
- LES OGSÅ:
Ynskjer tips
No ønskar politiet å kome i kontakt med personar som har vore i området ved parkeringsplassen til den gamle gravplassen på Folnes.rundt frå klokka 1520 til klokka 1540 onsdag denne veka.
– Dette anten dei meiner å ha sett jenta, mannen eller bilen, skriv politiet i ei pressemelding.
No ber politiet om at alle som kan ha sett noko om at ta kontakt med politiet på 56 31 58 00.
Mange «lokkemann»-hendingar
Det har vore ei rekke hendingar med forsøk på bortføring eller lokking i Bergensområdet den siste veka. Totalt har det vore fire ulike episodar, tre av dei i Fjell kommune og éi på Askøy.
- Den første meldinga kom frå Ågotnes i Fjell kommune onsdag 3. september. Guten i barneskulealder blei forsøkt lokka bort til ein bil ved Ågotnes skole.
- Dagen etter, 4. september blei tre barn forsøkt lokka på Tveit skole på Askøy. Mannen kom ut av skogen og ropte på barna for å få dei bort til seg.
- Tysdag 9. september skjedde overfallet mot den 15 år gamle jenta i Arefjordvegen på Straume. Ein mann i kvit varebil tok fysisk tak i ho og forsøkte å dra ho inn i bilen.
- Berre tre timer etter dette blei ein ni år gamal gut forsøkt lokka inn i ein bil ved Knappskog skole, også det i Fjell kommune. Saka dukka opp som eit tips etter at saka om 15-åringen blei kjent.
Politiet har følgjande beskriving av mannen: Han har mørkt hår, lys hud og har hatt på seg mørke pilotbriller. Bilen han køyrde er ein kvit varebil.
