I januar var bygda Gullbrå i Eksingedalen utan veg i 10 dagar, i februar blei vegen nok ein gong stengt, og no sperrar eit nytt skred fylkesveg 344 mellom Trefall og Gullbrå.
Det siste skredet blei meldt inn til Statens vegvesen måndag formiddag. Tysdag har geologar framleis ikkje fått vurdert området.
– Då entreprenøren var inne for å sjå på skredet som hadde gått, gjekk det fleire nye småskred rundt han, så han var rett og slett uroa for å opphalde seg der. Han måtte berre rygge seg ut att, fortel Ronny Sleire i Statens vegvesen.
LES OGSÅ:
|Veit ikkje når vegen opnar att
Det er framleis usikkert kor stort snøskredet er denne gongen, og kor mange dagar dei 28 innbyggjarane blir isolerte denne gongen.
– Med slikt vêr som det er no, samt dei store og blaute snømengdene, er det stor skredfare i området. Ein geolog skal etter planen opp for å sjå på området i morgon, alt etter korleis vêret blir, fortel Sleire.
Dette er femte gongen i vinter innbyggjarane i Gullbrå er stengt inne på grunn av snøskred.
LES OGSÅ:
|