– Vi har fått melding om at ein buss og ein motorsykkel har kollidert på Lunde i Radøy, seier operasjonsleiar Preben Wallestad ved Hordaland politidistrikt.
Ulykka skjedde på fylkesveg 565 ved avkjørsla til Askeland.
– Føraren er ein mann i 50-åra. Han har smerter i ei skulder og er blitt henta med ambulanse, seier Wallestad til NRK.no.
AMK fekk melding om kollisjonen klokka 15.21. Politiet opplyste kort tid etter at alle naudetatane var på staden.
Vegen var stengt ein periode etter ulykka. Klokka 16.05 opplyste vegtrafikksentralen at det var manuell dirigering på staden, men no er vegen rydda og heilt open.
