– Politiet har leita etter mannen sidan fredag ettermiddag. Han vart pågripen laurdag føremiddag klokka 10.52, seier operasjonsleiar i Hordaland politidistrikt Lars Geitle.
Like etter klokka 14.30 fredag meldte Bunnpris-butikken i Ulvedalen i Åsane sjølv frå om at dei vart blitt rana av ein mann med kniv. Han fekk med seg eit ukjend pengebeløp og sprang frå staden.
– Me kjenner til denne personen frå før. Han vart pågripen på si eiga adresse ikkje så langt frå Ulvedalen, seier Geitle.
Politiet fekk hjelp av overvakingskameraet i butikken, i tillegg til at ein kvinneleg tilsett kjende att gjerningsmannen og ga politiet ei skildring av mannen.
– Han vert no køyrd inn i arresten og vil bli avhøyrd i løpet av dagen.