Ein 50-år gammal Bergen er sikta for seksuelt overgrep og forsøk på seksuelt overgrep mot fire jenter.
I avhøyr har mannen erkjent to av overgrepa, skriv VG.no.
– Eg har ingenting å seie om politiet si etterforsking på det noverande tidspunktet. Den er framleis i ein tidleg fase, seier fungerande etterforskingsleiar, Grunde Næss i Hordaland politidistrikt til avisa.
Heller ikkje mannens forsvarar, advokat Beate Hamre, ønsker å kommentere saka.
Varetektsfengsla i 10 veker
Mannen skal ha passa hunden til naboane sine, og hadde difor nøkkel til huset deira. Han skal ha treft dei fire jentene og lokka dei med til naboens hus, skriv BT.no.
Bergensaren har ingen tidlegare dommar på seg, og skal ikkje ha nokon nær relasjon til jentene.
Mannen blei 10. juli varetektsfengsla i to veker.
Strafferamma for seksuell omgang med barn under 14 år er inntil ti års fengsel.