I NRK sitt partibarometer
, og viss det hadde vore val i dag ville berre Kristin Halvorsen ha kome inn på Stortinget.Audun Lysbakken er statsråd og leiarkandidat i SV. Han har publisert eit e-pamflett på cirka 30 sider som han har kalla «Et sosialistisk folkeparti».
For at SV skal gjenvinna tilliten meiner han partiet i større grad må setta dagsorden i saker som handlar om helse, omsorg, arbeidsliv, næringspolitikk og distriktspolitikk.
– Har blitt eit nisjeparti
– Me har blitt for mykje av eit byparti og eit parti som har blitt litt nisjeparti for dei sakene me har hatt ansvar for i regjering. No vil eg at me skal bli eit folkeparti, eit breiare parti, seier Audun Lysbakken.
– Kan partiet bli for breitt og dermed for likt Arbeidarpartiet?
– Nei, fordi me skal samstundes vera eit radikalt og tydeleg alternativ, seier leiarkandidaten.
Vil ha nye spreke forslag
– Dei siste åra har me blitt for opptatte av det me har fått til og snakka for lite om kva me vil. Fram mot valet i 2013 skal me laga oss ei fornya politisk plattform der me kjem med nye spreke forslag som kan dra Noreg mot venstre, seier Lysbakken.
Når han får spørsmål om å nemna tre saker som vil vera dei viktigaste for SV er svaret frå Lysbakken klima, rettferdig fordeling og å kjempa mot utviklinga mot eit lausarbeidarsamfunn.
– Kampen mot høgresida på arbeidslivsfeltet skal me prioritera ekstra mykje framover, slår Audun Lysbakken fast.