Politi med hundepatrulje, Norske Redningshundar, Røde Kors og Sivilforsvaret har laurdag rykka ut til Gullbrå i Eksingedalen, skriv Avisa Hordaland.
Årsaka er at dei leitar etter ein mann i 20-åra som er meldt sakna av jaktlaget sitt. Mannen var på jakt med fleire, men ingen har sett han sidan fredag kveld. I natt har jaktlaget leita, før dei melde han sakna i dag tidleg.
Til avisa seier operasjonsleiar Jan Steimler i politiet at mannen er godt utstyrt med mat og duk.
– Det er så godt som ingen telefondekning i området, noko som er ei utfordring.
Fleire detaljar vil ikkje politiet gi om mannen. Politiet svarar ikkje på NRK sine førespurnader.
Funne i god behald
Klokka 14.30 melder politet at mannen er funne i god behald av.
- Han hadde gått seg vekk og tatt feil på veg til hytta i går kveld, seier operasjonsleiar Jan Steimler i politiet til Bergens Tidende.