Dei lause platene som heng ned frå tunneltaket skal ikkje vere straumførande, seier trafikkoperatør i Statens vegvesen, Tore André Halland.
– Sjåføren er nok ganske stressa no, men ingen er komme til skade, og det skal ikkje vere farleg opphalde seg i tunnelen.
Manuell dirigering på fv. 188
Lastebilen var på veg gjennom Sædalstunnelen på fylkesveg 188, då han tok opp i taket og reiv laus plater og sikringsmatter.
Det var manuell dirigering på staden medan entreprenøren rydda opp, men tunnelen er no heilt open for trafikk, opplyser Statens vegvesen.