– Det er aldri kjekt å kutta. Men det handlar om å ta ansvar for den økonomiske situasjonen vi har kome i, seier ordførar Synnøve Solbakken til NRK.no.
Ho seier det er høge utgifter og at kommunen må spara pengar som er grunnen til dei kraftige nedskjeringane. Kommunen har ei gjeld på 1,1 milliardar kroner.
– Økonomien er blitt meir anstrengt over tid. Kommunen har altfor høge lønsutgifter, seier Solbakken.
Ho håpar at flest mogleg av dei 100 stillingane skal kunna fjernast ved naturleg avgang, slik at kommunen slepp å seia opp folk.
Totalt har Kvinnherad kommune om lag 1500 tilsette.
Ifølgje kommunalsjef Kjell O. Nygård vil ingen sektorar bli spart.
– Kutta vil bli fordelt over alle sektorar. Alle må vera med og ta sin del av desse nedskjeringane, seier han til Bergens Tidende.
- Les meir om Kvinnherad