Torsdag 28. mai vert andre etappe i sykkelrittet Tour des Fjords arrangert med start i Jondal og målgang i Haugesund.
Etappen startar i Jondal med start klokka 12.25. Går via Utne og vidare til Odda. Derfrå til Skare og vidare gjennom Rullestadjuvet før den fortsette langs E-134 ut Åkrafjorden. Frå Åkrafjordtunet følgast gamlevegen til Kyrping.
- LES OGSÅ:
- LES OGSÅ:
Vidare går løypa langs E-134 gjennom Etne og Ølensvåg fram til Knapphus. Ved Knapphus svingar løypa igjen av E-134 og går via Vats og Skjoldastraumen til Aksdal, og følgjer deretter E-134 til Rossabø. Herifrå køyrer dei Salhusvegen inn til målgang på Rådhusplassen i Haugesund.
Vegane vil bli stengt i det tidsrommet sykkelrittet passerer.
Storfavoritt Alexander Kristoff levde opp til forventningane og vann fyrste etappe i går. Marco Haller og Daryl Impey tok dei to neste plassane.
Tour des Fjords’ fyrste etappe starta på Bryggen i Bergen i går og heldt fram 174 kilometer til Norheimsund. Rittet vert avslutta i Stavanger søndag.