Etter ei lang reise frå Canada har verdas tredje beste på skøyter, landa i Bergen. Skøytetalentet frå Os, Sverre Lunde Pedersen, knakk koden i Canada denne helga og vann sin første medalje i VM.
No går han frå gode forhold på innandørsbane i Calgary, tilbake til ei treningsbane på Slåtthaug, få konkurrentar vil misunne han.
– Det er ein stor kontrast. Dei beste trenar innandørs så å seie heile året. Då får ein god kvalitet på alle øktene, seier Pedersen då NRK møtte han på Flesland i dag.
LES OGSÅ:
– Skøytene våre blir øydelagde
Sverre Lunde Pedersen kunne juble då han i helga sikra bronsemedalje i VM.
Foto: Derek Leung / AfpEit utandørsanlegg i Bergen byr på ei rekke problem. Grus og skrot øydelegg skøytene, og kommunens vedlikehald er ikkje stabilt nok.
– Me har komme på trening til dårleg vêr og ein is som ikkje har vore god nok, eller klar til bruk, seier Pedersen.
På Slåtthaug i Bergen trenar også Håvard Lorentzen som nyleg har tatt bronse i sprint-VM. Klubben har dermed to lovande utøvarar, men dei slit med å få gjennomført treninga på grunn av det dårlege anlegget.
– Det er ikkje normale treningsforhold for løparar i verdstoppen. Eg var oppe her i går og fekk gjort kanskje 20 prosent av økta før skøytene blei øydelagde, seier Lorentzen.
LES OGSÅ:
Må ha 300 millionar for å ruste opp anlegget
Eit tak over Slåtthaug ville ha forbetra treningsforholda for utøvarane. Men prislappen på å ruste opp anlegget er for høg for Bergen kommune, som ikkje har 300 millionar å bruke på eit nytt anlegg.
IKKJE RÅD: Idrettsbyråd i Bergen Helge Stormoen (Frp) seier Pedersen og Lorentzen må setje si lit til privat investorar.
Foto: NRKIdrettsbyråd Helge Stormoen (Frp) ber klubben finne private sponsorar.
– Det er private investorar som er interesserte i å saman med kommunen bygge tak på Slåtthaug, seier Stormoen.
Enn så lenge må altså Pedersen og Lorentzen vente på å få trene innandørs.
– Draumen er å få tak her. Klarar me det, kan det bli mange gode skøyteløparar frå Fana og Bergen dei neste åra, seier Pedersen.
LES OGSÅ:
