Det var i ettermiddag at det byrja å brenna i eit stort bustadhus i Løbergsveien i Bergen. Veldige flammar og svart røyk stod utor trehuset som skal husa tolv leilegheiter.
- LES OGSÅ:
Brannen starta i enden på bustadhuset, og spreidde seg raskt til ein anna leilegheit. Bebuarane i huset og i nabohusa vart evakuerte. Først klokka 19.30 hadde brannvesenet kontroll, og kunne etter eit søk gjennom bustadhuset konstatere at det ikkje var personar i nokon av leilegheitene.
Sett i varetekt over natta
Rundt klokka 19.00 fortalde innsatsleiar Karsten Raa til NRK at to personar var tatt inn av politiet for å verta avhøyrt.
– Grunnen er at dei høyrer til i huset, og vi ønskjer å få svar på kvifor det byrja å brenne i huset, forklarte han.
No er dei mennene i 30-åra varetektsfengsla over natta. Dei skal høyra til i huset.
– Har status som sikta
– Dei to hadde først status som vitne i saka, men etter å ha motteke nærare opplysningar har desse no status som sikta, fortel politiadvokat Laila Skeide som er svært sparsommeleg med opplysningane.
– Vi mistenkjer at dei har ein tilknyting til brannen, men eg ønskjer ikkje å kommentera dette ytterlegare, held ho fram.
Dei to mennene vil ifølgje Skeide også bli avhøyrt i morgon.