– Den sikta 21 år gamle mannen blei arrestert nokså stille og roleg av politiet i 13.20-tida i dag, seier Erik Hole som er operasjonsleiar i Hordaland politidistrikt til NRK.
Mannen vart arrestert på Midttun camping og er sikta for bruk av kniv, og det skal ikkje ha vore dramatikk då mannen vart arrestert.
Det var laurdag væpna politiaksjon då gjerningsmannen stakk frå åstaden, og fem patruljar deltok i søket i området rundt Midttun camping.
- Les også:
Politijakt i sentrum
Det var òg søk mellom anna på bybanen, i Byparken, og på jernbanestasjonen. Politiet var væpna då gjerningsmannen hadde kniv. Denne mista han på jernbanestasjonen.
Laurdag kveld kom gjerningsmannen attende til Midttun camping, og stakk då òg frå staden. Sundag vart mannen arrestert.
- Les også:
Vert framstilt for lege.
– Me har kontroll på han, og me har ein god grad av oversikt på situasjonen. Det som skjer vidare er at mistenkte blir tatt med inn, og det blir avhøyr, seier Hole.
Bergens Tidende skriv at den sikta knivmannen er den same som i fjor sommar truga til seg ein bil i Sandviken med pistol. Politiadvokat Duc Nguyen seier til NRK søndag at mannen, som er av utanlandsk opphav, blir framstilt for psykiatrisk legevakt i løpet av dagen.
– Der skal det vurderast om mannen skal tvangsinnleggast eller om han kan førast tilbake til arresten.