– Brannen er sløkt og vi driv no med ettersløkking på staden, seier Jan Ove Haga, alarmoperatør ved 110-sentralen klokka 15.05.
Hytta er kraftig utbrent, og har store materielle skadar.
Hytta stod i full fyr
Det var klokka 13.40 at brannvesenet fekk melding om at ei hytta stod i full fyr i Folkedal i Granvin.
– Det var hytteeigaren sjølv som melde frå om at det var utvikla brann i hytta si, seier vaktkommandør Torkjell Helle ved 110-sentralen.
Veit ikkje årsaka til brannen
Brannvesenet og politiet kom raskt til staden.
– Hytteeigaren er uskadd. Det var heller ingen andre i hytta, seier Helle.
Det var ikkje vere fare for at brannen kunne spreie seg.
– Brannvesenet i Granvin har akkurat kome fram og er i gong med å setje i verk slukking for å avgrense skadane så godt som mogleg, men hytta er så å seie nedbrent, sa vaktkommandøren til NRK tidlegare i dag.
Dei veit ikkje kva årsaka til brannen er, men det vil bli sett i gong etterforsking av brannårsaka.
