Sommarbåten seglar inn i Hordaland. I kveld kan du sjå Sommeråpent direkte frå Fedje.
MS Sjøkurs var klokka 13.20 framme ved Fedje. Det er ti minutt tidlegare enn planlagt.
I heile sommar seglar NRK langs kysten med MS Sjøkurs. Heile 38 hamnar skal få besøk.
Draumeboks på kaia
Klokka 13.30 i dag segler skuta inn og legg til kai for å lage sommarunderhaldning frå øya i havgapet. Programleiar er Nadia Hasnaoui.
Det er mykje som skal gå føre seg i Fedje. Mellom anna kan alle som vil fortelje om sine draumar i ein automatisk intervjuboks på kaia.
Boksen skal samle inn dine framtidsdraumar for Norge og kva du synest er viktig å vårt samfunn. Intervjua blir samla på ei nettside som kjem neste år i forbindelse med markeringa av grunnlovsjubileet.
Nokre av draumane kan også blir vist på TV nærare 17. mai neste år. Målet er å samle inn så mange draumar som mogeleg.
Tre stopp i Hordaland
Vidare seglar båten nordover til Sogn og Fjordane, men på veg nedover kysten blir det også to stopp i fylket vårt.
1. august sender MS Sjøkurs frå Bergen, før sommarbåten 2. august seglar inn Hardangerfjorden og stoppar i Rosendal i Kvinnherad kommune.