Politiet gjekk natt til 17. mai til aksjon mot ei adresse i Os sør for Bergen. Bakgrunnen
STENGT: Politiet har forsegla døra på huset i Os.
Foto: Vegard Strønen / Varde Mediavar at ein mann vart funnen død i eit husvære i nabokommunen Bergen.
– Politiet vart tilkalla etter eit dødsfall. Mannen skal ha vorte utsett for vald nokre dagar før han døydde, seier politiadvokat Liv Giertsen til NRK.no.
Mann arrestert i Bergen
– I natt arresterte me ein mann i Bergen som er sikta for valden, seier Giertsen.
Politiet opplyser at den no avdøde mannen skal ha vorte utsett for vald på Amfi-senteret på Os ved 20-tida fredag 10. mai.
I tillegg skal mannen ha vorte utsett for vald i bustaden politiet aksjonerte mot i natt.
– Me kan ikkje svara på kva tilknyting den arresterte har til huset, seier Giertsen. Ho ønskjer heller ikkje å svar på kva form for vald mannen vart utsett for.
Ikkje sikta for dødsfallet
Politiet understrekar at mannen ikkje er sikta for å stå bak dødsfallet.
Mannen vert truleg framstilt for fengsling laurdag.
Politiet er svært forsiktige med å gå ut med informasjon i saka.
– Me kan ikkje seia så mykje meir førebels. Me må skaffa oss betre oversikt over saka først, seier politiadvokaten.
Begge mennene vert karakterisert som «godt vaksne».