Hopp til innhold

Erik Mjelde vraka mot Haugesund

Brann må snu ein dyster start på sesongen, og håpar å gjere det mot Haugesund.

Erik Mjelde

VRAKA: Erik Mjelde startar ikkje i bortekampen mot Haugesund. Her frå ein treningskamp mot FKH i vinter.

Foto: Roy Hilmar Svendsen / NRK

Følg kampen her

Erik Mjelde fekk pipekonsert frå publikum under heimekampen mot Strømsgodset, og er ikkje i starttroppen mot Haugesund laurdag.

Chukwuma «Bentley» Akabueze, går inn for kapteinen i lokaloppgjeret.

Fredrik Nordkvelle

KLAR: Fredrik Nordkvelle kom til Brann frå Strømsgodset etter førre sesong.

Foto: Roy Hilmar Svendsen / NRK

Hard motstandar

Brann har tapt tre av fire tippeligakampar så langt i sesongen. Haugesund har ikkje slått Brann før, men Haugesund er kjent for å vere ein hard motstandar når dei er på heimebane.

– Det vert ein tøff kamp, FKH er mellom dei sterkaste i ligaen på heimebane, seier Fredrik Nordkvelle.

– Skal kjempe

Han har likevel trua på Brann har gode sjansar til å sikre seg poeng mot naboane i sør.

– Me er godt førebudde, og veit kva dei er gode på. Me skal verkeleg kjempe for tre poreng, seier midtbanespelaren.

Brann ligg på ein 12. plass på tabellen, to plassar og to poeng under Haugesund.

Det er utseld på Haugesund Stadion og politiet har dobla bemanninga før oppgjeret, som vert kalla ein høgrisikokamp.