E16 stengt etter steinras - geolog til staden tysdag

Raset har gått mellom Hettetunnelen og Stanghelletunnelen, og vegen er no stengt. Den blir ikkje opna før tidlegast tysdag føremiddag.

ras E16

STENGT: Fleire steinar rasa ned i vegbana utanfor Steganestunnelen like ved Stanghelle på E16 i kveld. Vegen blir ikkje opna før geologar har vurdert om det er ytterlegare rasfare.

Foto: Jan Erik Tollefsen

Siste: Geolog må inn for å undersøka fjellsida, og vegen vert ikkje opna før tidlegast tysdag føremiddag.

– Geologen kjem til staden når det blir lyst, opplysar Vegtrafikksentralen til NRK.

Fleire steinar fall ned i vegen like etter klokka 20.00. Det var trafikantar som melde frå om raset.

Ingen bilar eller personar vart trefte av steinane.

– Det er ein stor stein som har falle ned og som sperrar eine køyrefeltet, i tillegg til fleire små, seier Tore Tysse i Vegtrafikksentralen.

Vakthald i natt

Rett før klokka 21.00 vart det altså klart at dei ikkje tar sjansen på å opna vegen att, før ein får undersøkt nærare om det er fare for at fleire steinar vil komma ned.

– Den blir ikkje opna før tidlegast utpå dagen tysdag, og det vil bli vakthald i natt for å hindra at bilar køyrer inn på området.

Vaktene står ved Trengereid og på Voss.

Omkøyringsveg mellom Bergen og Voss er fv. 7 over Kvamskogen.

Tidlegare i dag var E16 stengt i fleire timar grunna ei trafikkulukke mellom Evanger og Voss.

Laurdag ettermiddag rasa det også ned steinar inne i Dalevågtunnelen, og E16 vart stengt ein kortare periode.

Jernbana skal ikkje vera påverka av raset.

– Me har hatt folk på staden for å sjekka, og alt ser bra ut. Togtrafikken vil difor gå som normalt, seier pressevakt i Jernbaneverket, Kjell Bakken.

Kommunen er i beredskap

– Saman med rådmannen jobbar me med å finna ut korleis me skal løysa det praktiske. Vi er nøydd til å yta tenester på begge sider av raset, og det er krevjande, seier ordførar i Vaksdal, Eirik Haga.

Det er mange ungdommar som tar skulebuss til Dale frå Vaksdal kvar dag.


– For skulebarna blir dette ei utfordring. Ungdomsskuleelevane må ta toget frå Vaksdal.

– Fare for fleire ras

Geolog Trine Simmenes bur på Helle, ikkje langt frå raset. Ho er ikkje overraska over at det igjen rasar steinar ned frå fjellsida.

– Det er nok vêromslaget som gjer at det rasar. Dette er i eit område der det er kjent at det er lause steinar. Dei driv og med rassikring der no.

Ho ber folk vera merksame.

– Eg vurderer det slik at det er fare for ras og andre stadar langs E16. Folk må køyra forsiktig.

Laster kart, vennligst vent...

Siste video


11Å finne seg ein plass å bu e ikkje alltid like lett, for ei aleinemor med 6 ungar.Då må ein vera kreativ, og kjapp når muligheten byr seg 
    

Bygde reir på ytterdøren

11Å finne seg ein plass å bu e ikkje alltid like lett, for ei aleinemor med 6 ungar.Då må ein vera kreativ, og kjapp når muligheten byr seg     

17.mai blir det nok igjen kapproing i Vågen i Bergen. Ildsjeler har fått bygget to nye båter, og håper at det skal skape liv laga for den 168 år gamle tradisjonen i Bergen.

Blåser liv i kapproingen i Bergen

17.mai blir det nok igjen kapproing i Vågen i Bergen. Ildsjeler har fått bygget to nye båter, og håper at det skal skape liv laga for den 168 år gamle tradisjonen i Bergen.

Skuespillerne i Skam forteller at de lever helt andre liv enn det som vises i den populære serien på NRK. Reporter: Mette Anthun

Skam-jentene på Gullruten

Skuespillerne i Skam forteller at de lever helt andre liv enn det som vises i den populære serien på NRK. Reporter: Mette Anthun