Ikkje alle 18-åringane i landet er like flinke med tannpussen. Det syner nye tal frå Statistisk sentralbyrå (SSB).
Kun 18 prosent av 18-åringane i Norge har aldri hatt hol i tennene i løpet i livet.
På botn ligg av landstatistikken ligg Hordaland saman med Troms og Finnmark.
- Sjekk ditt fylke i tabellen lenger nede.
– Eg syns talet er for lågt. Det kunne vore høgare, kommenterer tannpleiar Bente Bakke på Os tannklinikk.
Gløymer tanntråd
Ho er ikkje imponert over tannhelsa til 18-åringane og ho ser kva ungdommen gløymer.
– Det er det at dei ikkje gjer det reint mellom tennene. Dei gløymer å bruka tanntråd.
Dei flinkaste ungdommane i landet er held til i Hedmark, der 26 prosent av 18-åringane aldri har måtta bora hjå tannlegen.
Den dårlegaste utviklinga er det Sør-Trøndelag som har hatt. Der 26 prosent av ungdommane i 2010 aldri hadde hatt hol i tennene, har det talet gått ned med ni prosentpoeng berre to år seinare.
– Puss tennene
Overtannlege i sentrum tannhelsedistrikt i Bergen, Bente Holmgren, håpar tala vil betre seg.
– Her i Hordaland har vi enno ikkje nådd målet om nå 20 prosent. Så vi ser jo at det kan bli betre, vi har ein jobb å gjera.
Ho har fleire råd til ungdommane:
– Det som er sunt for kroppen, er ofte sunt for tennene også. Puss tennene to gonger dagleg, faste måltid og sunt kosthald. Og bruk fluor, rår Holmgren.