Klokka 05.25 fekk politiet melding om eit trafikkuhell på E16, mellom Stanghelle og Steganestunnelen.
– Ein bil har hamna på taket. Ein person sat ei stund fastklemt, men ambulanse har no tatt førar til Voss sjukehus, seier operasjonsleiar i politiet Bjarte Rebnord.
Like før klokka 10 opplyser Voss sjukehus om at den 65 år gamle mannen som var førar av bilen, er lettare skadd.
E16 open for trafikk
Bilen skal ha fått store materielle skader, og måtte tauast bort.
Politiet dirigerte trafikken forbi til bergingsbil kom til staden. Bilen er no fjerna, og trafikken går som normalt.