Fredag la aktor ned påstand om 15 års fengsel for den 29 år gamle afghanaren som er tiltalt for drapet på Mohamoud Ahmed Musse på Ny-Paradis i Bergen.
Det skriv avisa Dagen på sine nettsider fredag.
Les òg: Ali opplevde drapet på asylmottaket
– Uprovosert og uforståeleg
Den 45 år gamle mannen vart drepen med minst 24 knivstikk på Ytrebygda asylmottak 22. mai 2012.
Ifølgje Dagen finn aktor ingen formildande omstende rundt drapet.
– Drapet ser ut til å vera uprovosert og uforståeleg, sa statsadvokat Benedicte Hordnes ifølgje avisa.
Den somaliske familiefaren som vart drepen hadde fem barn.
Forsvaret ber om frifinning
Randulf Schumann Hansen, som forsvarar 29-åringen i Bergen tingrett, la på si side ned påstand om full frifinning fordi tiltalte meiner mannen handla i naudverje.
29-åringen har heile vegen hevda at han vart angripen fordi han er kristen og har konvertert frå islam.
Les òg: 29-åring tiltalt for knivdrap på asylmottak
Samleside: Drap på asylmottak på Ny Paradis