– Vi ser svært alvorleg på dette. Situasjonen syner at enkeltaktørar i næringa opptrer miljømessig uforsvarleg og samstundes set omdømet til heile næringa på spel, seier fiskeridirektør Liv Holmefjord.
Det byrja med at Fiskeridirektoratet fekk melding frå publikum om rømt oppdrettsfisk i Suldalslågen i slutten av september. I midten av oktober kom meldingane om at det vart tatt ut mykje rømt fisk fleire stader i Ryfylke.
– Vær så god, fisk!
Dei siste vekene har det også blitt fanga uvanleg mykje rømt laks i Etneelva og også i Kvinnherad.
- Det er ikkje godt nok at det skjer rømningar og at det ikkje blir teke ansvar og meldt frå om. Det er i alle sin i interesse at vi finn ut av dette, seier seksjonssjef Paul Jacob Helgesen i Fiskeridirektoratet til NRK.
Fylkesmannen i Hordaland har frå 1. oktober til 28. februar opna for fiske etter rømt fisk med garn.
– For Hardangerfjorden er det særskilt i kommunane Etne og Kvinnherad det vert meldt om store fangstar av rømt fisk. Meld frå til Fylkesmannen for å delta i dette fisket.
Takkar publikum
Det er ifølgje Fiskeridirektoratet ikkje meldt om rømming i dette området.
Men ein oppdrettar skal ha gjort som føreskriftene seier og meldt frå om mistanke om rømming frå eige anlegg.
Etter tipset frå publikum har Fiskeridirektoratet innhenta prøvar for å undersøkje om det er DNA-treff mellom fisk frå dette anlegget og fisk som er fanga i Suldal.
– Eg vil gjerne alleire no takke for innmeldingar og den betydelege friviligge innsatsen som er lagt ned for å ta ut den rømte fisken. Vi er heilt avhengige av raske tilbakemeldingar, seier Holmfjord.
NTB skriv at talet på lakserømningar i 2012 var rekordlågt for dette tusenåret.