Ein pasient har allereie blitt flytta til ein sjukeheim i Innbygda, og no vurderer kommunen situasjonen til fleire pleietrengande, melder Østlendingen.
–Trysilelva veks ganske raskt, men dei mindre elvene og bekkane veks raskare, så vi har ein krisestab som overvakar situasjonen, seier Jan Sævig, rådmann i Trysil.
Aldersheim, skule og barnehage er framleis trygge, men det er sju pleietrengande rundt om i bygda som har fått tilbod om å bli flytta.
–Framleis er det berre ein vi har flytta, seier, Jan Sævig.
Rådmannen seier dei har auka staben i heimetenesta og fylgjer opp dei som har behov for hjelp.
Hengebru kollapsa
Ei hengebru over elva Ljøra ved Nordbø i Ljørdalen måtte i kveld gje etter for vanntrykket.
–Elva er nok ikkje på nivå med flaumen i 1995, enda, det manglar nok 20 cm på det, men det er mykje vatten her, seier Geir Nordnes.