– Han er kanskje litt rampete, litt freidig, og veldig utadvendt. Han har lyst til å prøve mange ting, og er kanskje litt nysgjerrig, svarar Eilif på spørsmål korleis Bulle er.
- Les òg:
Historia handlar om dei to einstøingane Bulle og Lise, som etter kvart blir kjende med den sprø professoren. Det er 13 år gamle Eilif som spelar Bulle, og han kjenner seg litt att i rolla.
– Kanskje på nokon måtar men ikkje hundre prosent for å seie det slik, men kanskje femti prosent, liksom, smiler han.
Vanleg med eksplosjonar
De fire bøkene Jo Nesbø har skrive om Doktor Proktor er selt i nærare ein million eksemplar i inn- og utland. I februar neste år kjem Doktoren, Lise og Bulle på kino.
- Les òg:
I Kanonvegen, utanfor Doktor Proktors bustad skjer det dramatiske ting. Den galne julenisseliknande professoren er det Kristoffer Joner som spelar. Han kjem frå eit univers ganske ulikt vårt eige, og der skjer mange sprø ting.
– Altså, sprø og sprø. No har det blitt så vanleg her at folk fis jo over alt, og det eksploderer ting, så det byrjar liksom å verta kvardagen vår det, seier Kristoffer Joner som spelar ein skjeggete Doktor Proktor.
Tydelege karakterar og tjukke slemmingar
Regissøren var ikkje i tvil om å ta på seg oppgåva om å filmatisere dei svært populære bøkene om Doktor Proktor.
– Eg likar tydelege karakterar og tydelige univers, og her det jo skurkar. Dei slemme er slemme - og tjukke, som eg og likar veldig godt, seierArild Fröhlich.
– Dei skal vera ekstra gode og tjukke når dei er slemme, og frå Nord-Noreg, ikkje minst, seier Fröhlich og kikkar opp på Atle Atonsen som er utkledd som ein tjukk skurk.
– Fra Nord-Noreg, ikkje minst, svarar Antonsen, på nord-norsk, og travar av garde.