– Her er det fritt fram for å drive piratverksemd

– Dei har sagt «Køyr på! Her er det fritt fram for å drive piratverksemd». Det er så enkelt.

Det seier Ronny Bang Amundsen i Alta taxi. Han reagerer sterk på at politiet seier det er vanskeleg å bevise at nokon har kravd vederlag mot køyring.

– Det er mykje økokrim som skjer som er vanskeleg, tunge saker som politiet klarer å finne ut av. Her blottlegg jo piratane seg rett ut på nettet, på Facebook, så det kan ikkje vere vanskeleg å finne ut av dette, seier Amundsen.

Alta taxi har sendt skjermdumpar frå Facebook, der namn, avtale om henting mot pengar og telefonnummer er oppgitt. Likevel har ikkje politiet sett i gong noko etterforsking.

• Les òg: Piratene parkerer drosjesjåfører: – Jeg har 60 000 mindre utbetalt enn for ett år siden
• Les òg: – Dersom Facebook-gruppa kan velte drosjenæringen, står det dårlig til

Politimeister i Vestfinnmark politidistrikt, Morten Daae, seier dei har fått tilsendt reglane som gjeld for facebookgruppa som formidlar skyss mellom folk.

– Det er heilt klart at dei driv heilt på grensa for kva som er tillate, men foreløpig ser det ut som om dei ligg på riktig side, seier Daae.

• Hør intervjuet med politimeisteren i Finnmarkssendinga

Politimeisteren vedgår at køyring av pirattaxi ikkje er høgt prioritet hos politiet. Men han trur likevel det kan bli eit større fokus på dette frå sentralt hold.

– Det er ikkje så lenge sidan vi svarte direktoratet på spørsmål om korleis vi såg på denne typen verksemd, seier han.

• Les òg: Jusekspert: – Pirattaxi-grupper på Facebook kan være ulovlig
• Les òg: Færre tyverier på gata – men politiet frykter nettkriminaliteten

Ventar på anke i Stavanger

Foreløpig er berre enkelte politidistrikt som gjennomfører tiltak mot piratverksemd. Ei eventuell oppfølging frå Justisdepartementet vil ikkje kome før utfallet av ei anke i Stavanger, der åtte personar stod tiltalt for brot på Yrkestransportlova, paragraf 41.

I Stavanger gjekk pirattaxiverksemda over frå ei uorganisert Facebook-side til den organiserte nettsida Haxi.no.

I mai vart dei åtte Haxi-sjåførar frifunne i Stavanger tingrett.

Påtalemyndigheita har anka dommen, og Justisdepartmentet avventer utfallet av den anka.

– Underbygger svart økonomi

Politimeister Morten Daae meiner dei som nyttar pirattaxiar må tenke på kva konsekvensar som kjem av det dei gjer.

– Dei er med på å underbygge ein svart økonomi, og ein veit heller ikkje så veldig mykje om den sjåføren som køyrer den bilen man setter seg inn i, seier han.

• Les òg: –Snapchat-generasjonen ser ikke taxideling som en kriminell handling