Tone Jorunn Tveito, Olav Thon. - Olav Thon sjarmerte songaren Tone Jorunn Tveito. - Foto: Gunnar Grimstveit / NRK

Olav Thon sjarmerte songaren Tone Jorunn Tveito.

Foto: Gunnar Grimstveit / NRK

Thon sponsar villmarkssenter

I dag opna stortingspresidenten det nye nasjonale Jakt- og Fiskesenteret i Flå. Det nybygde senteret er reist med over 20 millionar kroner frå Olav Thon.

Investoren og hotellbaronen Olav Thon er allereie ein populær mann i den litle kommunen. Etter fråflyttingsproblem er det nå fleire som flytter til Flå.

– I dag legg vi nok ein stein på byggverket Flå, seier ein stornøgd ordførar Tor Egil Buøen.

I fleire år såg det slett ikkje bra ut for kommunen i Hallingdal med om lag eitt tusen innbyggjarar. Næringslivet gjekk på tomgang og optimismen hadde reist frå bygda. Dei siste fire åra har folketalet auka med seks prosent, og i dag opnar landets største kompetansesenter for jakt- og fiskeaktivitetar. Investor og hotelleigar Olav Thon får sin del av æra.

– Men Thon gjer ikkje slike investeringar berre av idealistiske grunnar, han ser moglegheita til å tene pengar og, seier ordføraren lurt.

Dag Terje Andersen. - Stortingspresidenten tok fram øksa. - Foto: Gunnar Grimstveit / NRK

Stortingspresidenten tok fram øksa.

Foto: Gunnar Grimstveit / NRK
Opna med øks

Det var stortingspresident Dag Terje Andersen som i dag brukte øksa for å opne Jakt- og Fiskesenteret på Flå. Det er Norges Jeger- og Fiskerforening (NJFF) som skal drive senteret som tek sikte på å sikre at kommande generasjonar framleis bruker og haustar frå naturen.

– Eg kjem ikkje berre som stortingspresident i dag, men og som medlem i NJFF, seier han og skryt av det nyopna tilbodet.

– Dette senteret med sitt varierte tilbod er unikt i nasjonal, ja kanskje internasjonal, samanheng smiler han.

Ny arbeidsplass med børser og fiskestenger

Fire av dei fem som skal jobbe der har flytta til bygda. Ordførar Buøen håper dette bidrar til at oppgangsstemninga i Flå held fram.

– Norges Jeger- og Fiskerforbund er blant dei største foreiningane som jobbar med bruken av naturen. Fire av dei fem som skal jobbe ved senteret har flytta til Flå. Dette kjem til å skape ringverknader, slår ordføraren fast.

I tillegg har Statens Naturoppsyn oppretta ei stilling som skal halde til i senteret.

Kompetansesenter for jakt- og fiskeaktivitetar i Flå. - Kompetansesenteret i Flå blei opna i dag. - Foto: Gunnar Grimstveit / NRK

Kompetansesenteret i Flå blei opna i dag.

Foto: Gunnar Grimstveit / NRK
Olav Thon-effekten

Byggherren for det over 1000 kvadratmeter store jakt- og fiskesenteret, er forretningsmannen og investorkjendisen Olav Thon. Hallingdølen er allereie tungt inne i Flå kommune. Han står bak kjøpesenteret i bygda, har finansiert bjørneparken og har altså investert meir enn 20 millionar kroner i bygget som husar kompetansesenteret.

– Dette ser eg på som ei fornuftig investering. Eg har ikkje akkurat rare jaktbakgrunnen sjølv, men ein og annan fisketur har det blitt, seier mannen med varemerket topplua på hovudet.

Les også:

Stortingsrepresentant Laila Gustavsen likte særleg skytesimulatoren godt. Her kan jegeren ta med si eiga rifle og teste skyteforma. Gustavsen skaut godt med hagle, sjølv om det er hjort ho sjølv skal jakte på Vestlandet til hausten.

– Eg kjem nok attende for å trene meir, seier ho skotklar.

Senteret skal gi et tilbod til jaktlag, foreiningar, firma og privatpersonar innan ei rekkje felt. Sams for tilboda er at det handlar om jakt og fiske.

Senteret frir og til barn og ungdom. Planen er å arrangere eigne feriecampar med aktivitetar i naturen for dei som ikkje har lov å jakte enno. Og for dei vaksne blir det slaktekurs, fiskekurs, tilgang til grillhytte, eige dressurområde for jakthundar og eit vell av naturrelaterte aktivitetar.

Flere nyheter

Hør alle sendingene

NRK Østafjells, Drammen - Foto: Odd Vegard Kandal / NRK
Foto: Odd Vegard Kandal / NRK

RADIO: Alle sendingene fra NRK Buskerud

Se TV-sendingene

NRK Østafjells logo

NETT-TV: Alle TV-sendingene fra NRK Østafjells

TV og radio

Norsk Titanium på Eggemoen har utviklet en ny type teknologi
Ola Vigen Hattestad tror nykommeren på spintlandslaget, Sondre Turvoll Fossli, vil få sitt internasjonale gjennombrudd i år. Og etter dagens testløp i Holmenkollen er det vanskelig å være uenig.
Veteranen Håvard Bøkko er revansjelysten. Han mener mange har mistet troen på hva han kan klare på skøytebanen. Men først vil han prøve på noe han aldri har gjort. Reporter: Harald Thingnes, foto: Harald Chr. Eiken, redigering: Nuño Duarte